Pierre Emeric Aubameyang është i njohur si njëri nga futbollistët më të shpejtë në futbollit evropian dhe sulmuesi i Arsenalit e ka shfaqur këtë gjë gjatë stërvitjeve duke mposhtur bashkëlojtarin e tij Lucas Perez në këtë garë.

Dyshja janë parë në një video të publikuar nga klubi në rrjete sociale duke garuar me njëri-tjetrin gjatë stërvitjeve në Singapor, ku ata duhej fillimisht të marrin një pozitë si në garat e atletikës për të finalizuar më pas një sprint të shkurtër, transmeton portali arbresh.info.

Fatkeqësisht për sulmuesin Lucas Perez, Aubameyang ishte rivali i tij dhe pavarësisht nisjes më të ngadalshme, reprezentuesi gabonez u rikthye fuqishëm duke lënë pas kundërshtarin e tij.

Lojtarët e tjerë që shihen në video janë edhe Sead Kolasinac, Rob Holding dhe lojtari i transferuar së fundmi – Matteo Guendouzi.

Ndryshe, Aubameyang posedon reputacionin si njëri nga lojtarët më të shpejtë në Premierë Ligë.

Sezonin e kaluar sulmuesi ka arritur një shpejtësi deri në 34.99 km/h duke iu bashkua 13-të lojtarëve më të shpejtë në ligë së bashku me bashkëlojtarin e tij  – Hector Bellerinin./arbresh.info/